هضم..مناعة..زئبق..توحد
تفتكر هل في علاقة بين ال4 كلمات دول..
اتفق معاك إنهم بشكل كبير مختلفين عن بعض..
لكن بالرغم من تباعدهم الواضح..
إلا اننا لما نرتبهم....حنقدر نخمن إيه هو سبب وجود
التوحد...
نخمن؟؟؟؟!!!
طيب ليه مش التوحد االمفروض إنه مرض نفسي و غالبا الچينات هي السبب؟؟؟؟!!!
نسبة كبيرة من الناس بتكون فاهمه التوحد بالشكل ده...لكن
الحقيقة غير كده...
خليني اقولك إن التوحد متعدد الأسباب...
مش بس كده كمان شدة التوحد متفاوته من طفل للتاني..
وأعراضه كمان نسبة اختلافها بين الأطفال بتكون كبيرة..
ودي كانت البداية إيلي دفعت العلماء إنهم يسموا التوحد
باسم طيف التوحد وليس مرض التوحد...
وخليني اقولك كمان التوحد مش مرض ولا متلازمة..
التوحد هو اضطراب فأجزاء مختلفة من الجسم أهمها خلايا
المخ زائد خلايا الامعاء..
طيب ايه علاقة الهضم و الامعاء بمرض زي التوحد!!!!!!!!!!
دراسات كتير اتعملت و قالت إن نسبة مشاكل الجهاز الهضمي
فمرضي التوحد بتتراوح من90-9 %
بس النسبة مداها كبير شويه!!!!!!!
اتفق معاك...بس النسبة بشكل ده لأن اطفال التوحد مختلفين
تماما عن بعضهم ..فمن المتوقع ان النسبة تكون بالشكل ده..
دراسات تانية قالت إن نسبة مشكلات الجهاز الهضمي 50 %
عند اطفال التوحد..
الفكرة ايلي محتاجين نتفق عليها هنا.. إن من اشهر
المشكلات المصاحبة لاضطراب التوحد هي الهضم..
خلينا نتفق إن مشكلات الهضم ممكن تكون سبب من أسباب التوحد..
طيب مشكلات زي ايه مثلا؟؟؟
زي الامساك المزمن..او الاسهال المزمن..أو حساسية الجسم لأكلات
معينة..
طبعا ممكن تنزعج من التفاوت ده...
و لكن دي طبيعة الامر..مش من السهل إننا نلاقي طفل توحد
زي التاني..
قبل ما نفهم مشاكل الجهاز الهضمي وعلاقتها بالتوحد ...محتاجين نعرف يا تري مين المسؤل الأول عن صحة الجهاز الهضمي؟؟؟
طبعا البكتيريا الموجودة فالجهاز الهضمي هي المسؤل الأساسي عن صحة الجهاز الهضمي ومش بس كده هي مسؤلة عن صحة الجسم كله... والمفروض إن من أهم العوامل ايلي بتأثر عليها هي التغذية والبيئة المحيطة و استخدام المضادات الحيوية...
يعني كل ما كان الطفل مستوى تغذيته أفضل و مش بيتم استخدام مضادات حيوية معاه بشكل كبير...فده معناه ان جهازه الهضمي حيكون بيشتغل بفاعلية أكبر...
وطبعا فكرة المضادات الحيوية..في انها بتقتل تقريبا نسبة كبيرة من البكتيريا سواء كانت مفيدة او ضارة..
فبتالي مع مرور الوقت.. والاستخدام المتزايد للمضادات الحيوية حيتسبب ففقدان نسبة كبيرة من البكتيريا المفيدة...والطفل حيبدأ يعاني من مشاكل نتيجة نقص كل العناصر و
المواد المفيدة ايلي بتنتجها البكتيريا..
و بتالي اي خلل فتوازن البكتيريا او ببساطة الإعتماد علي الأكل الغير صحي زي الوجبات السريعة مثلا و استخدام مضادات حيوية بشكل كبير حيأثر علي طبيعة المواد ايلي بتنتجها البكتيريا وطبعا حيقلل من قدرتها كمان علي إنتاج المواد المفيدة زي هرمون السعادة (serotonin)..
وطبعا حيأثر علي الطفل بالسلب خصوصا فالإحساس بالغضب والرغبة فالإبتعاد عن الجانب الإجتماعي...
طيب هل مشكلة البكتيريا و الهضم ناتجين فقط عن سوء التغذية و
استخدام المضادات الحيوية بشكل كبير؟؟
للأسف الشديد..في سبب تاني..وايلي ممكن نعتبره إنه من
اخطر الاسباب..
هو تسمم المعادن وخصوصا معادن زي الزئبق و الالومنيوم و الخارصين...
طيب يا تري إيه هو مصدر المعادن دي ؟
بنسبة كبيرة الموضوع بيبتدي من الأم نفسها.........
طيب ازاي؟؟؟
عن طريق التعرض
للزئبق بطرق مختلفة أهمها:الماكولات البحرية و منتجات التجميل مجهولة المصدر وتلوث
الجو...
طيب إيه فكرة المأكولات البحرية؟؟؟؟؟؟!!!
طيب وهل كلها مضرة!!!!!!!!
اكيد لا ..الفكر هنا ان بس في أنواع معينة من الماكولات البحرية بتحتوي
علي نسب عالية من الزئبق..
طيب يا تري ايه هي ؟؟؟؟
اهمها:اسماك القرش وابوسيف والماكريل والمارلين...وطبعا
اغلب الاسماك كبيرة الحجم بتحتوي علي نسب عالية من الزئبق نتيجة ابتلاعها لأسماك
اصغر وبتالي حيزود من نسبة الزئبق فيها..فطبعا ينصح بالتقليل منها..
لكن باقي الماكولات البحرية المحتوية علي نسب اقل من
الزئبق.. يفضل تناولهم من مرة لمرتين فقط اسبوعيا..
طيب هل تقليل من تناول الماكولات البحرية الغنية بالزئبق
كفاية...........
لضمان التخلص من المعادة السامة بشكل كبير...
فبكده محتاجين نشتغل علي خط دفاع تاني..
وهو مضادات الاكسدة...لان ببساطة ممكن نسبة الزئبق
متكونش ارتفعت بشكل كبير..
.ولكن 50% من اطفال التوحد بيكون عندهم نقص فمضادات الاكسدة وطبعا اهمها الجلوتاثيون.....
وطبعا قدرتهم علي التخلص من المعادن السامة( سواء كان
مصدرها الأم أو موجودة فجسم الطفل نفسه) بتكون قليلة جدا...
فبتالي تسمم المعادن...بيؤدي ان الجسم كله وخصوصا المخ
في حالة من الاضطراب..
دراسات كتير قالت ان تسمم المعادن ...ممكن يكون السبب
الاساسي فحدوث خلل فتوازن بكتيريا الأمعاء...
عن طريق إن البكتريا بتتغبر لأنواع ضارة وتبتدي تنتج مواد كتير سامة....
وللاسف نسبة كبيرة من اطفال التوحد بيكون أغشية المخ
ايلي المفروض مسؤلة عن فلترة الدم قبل دخوله للمخ بتكون ضعيفة جداا.
فبتالي المعادن السامة(زي الزئبق) موجودين فالدم + نواتج البكتيريا الضارة
فبتالي حيقدروا يدخلوا المخ بكل سهولة و يتسببوا فظهور أغلب أعراض
التوحد..وايلي أهمها إن ادراك الطفل لكل حاجه حواليه بيبتدي يقل...
كمان ادراكه لنفسه و لوجوده بيقل وده ايلي بيدفعه إنه يضرب نفسه بأي حاجه موجودة قدامه عشان بس يحس بوجوده...
طيب احنا كده فهمنا ان المشكلة ممكن تبتدي بتسمم
المعادن...
وكمان عرفنا إن مادة الجلوتاثيون هو من أقوي مضادات الاكسدة
فالجسم...
فمن اهم الحلول المستخدمة هي زيادة من نسبة
الجلوتاثيون عن طريق التغذية :
- الاغذية النباتية الغنية بالكبريت زي البروكلي وخصوصا البراعم بتاعته و الجرجير و القرنبيط واللفت.
- الثوم و الكرات و البصل
- فيتامين سي الموجود فاليمون والكيوي و الفراولة والبابايا.ودور فيتامين سي هنا انه كمان بيساعد في زيادة الجلوتاثيون...
- والسبانخ والافوكادو والبامية.
وكمان يفضل جدا المتابعة مع طبيب التغذية لقياس نسب
المعادن واستخدام الطرق المختلفة لعمل نظام غذائي متوازن..
طيب بكده لما نعالج مشكلة تسمم المعادن ..حيكون ليه دور كبير فتحسين البكتيريا ..مش بس كده التغذية السليمة و تناول الفواكه والخضروات ومضادات الاكسدة حيساعد علي تغيير انواعها..وظهور انواع مفيدة منها ..
وطبعا
زي ما عرفنا قبل كده ان بكتيريا الأمعاء ليها دورفي تكوين النواقل العصبية..فكل ما حتكون افضل...كل ما حتنتج مواد افضل فتحسن الحالة المزاجية
للطفل..زائد انها حتزود استيعابه و اداراكه لنفسه وايلي حواليه...
كل الحلول ايلي فاتت مع المتابعة مع طبيب التغذية زائد
الاهتمام بالجانب النفسي للطفل خصوصا ان طفل التوحد تعامله مع الامور
بيختلف...يعني الامور البسيطة ممكن تكون بالنسبة له حاجة كبيرة جدا و العكس
صحيح...عشان كده بيجي دور الاسرة و الاهل وكل الموجودين حواليه انهم يستوعبوا
ده...
كل الطرق والمحاولات ايلي فاتت ..لو مش حتساعد فالشفاء الكامل من اضطراب التوحد..الا انها حتساهم ان شاء الله فتحسين جودة حياة طفل التوحد والتخفيف من الالتهاب التاتج عن تسمم المعادن و الزيادة من فرصة تحصيله الدراسي...وتقبله لنفسه وادراكه ليها..ولكل ايلي حواليه...
المصادر:
https://www.nature.com/articles/d41586-020-00198-y
https://pubmed.ncbi.nlm.nih.gov/30747427/
https://www.frontiersin.org/articles/10.3389/fnins.2020.578666/full
