مش غريب شويه اننا نوصف المناعة انها
متوحشة؟!
يعني تفتكر كده أهم خط دفاع فالجسم يستحق
مننا التسمية دي ؟؟
الحقيقة لا...الفكرة ان طول ما المناعة
متوازنة و بتهاجم بس اي كائن غريب عن
او حتي كمان أي مواد سامة الجسم بينتجها
لأي سبب...فكده المناعة فأفضل صورها وهي الصورة الطبيعية...
لكن خلينا نتفق...ان المشكلة بتبقي فان
جهاز المناعة مش بيشتغل علي انه كل ما هو غريب عن الجسم...هو بيتدي يهاجم خلايا
الجسم نفسه!!!
يعني المفروض انه يكون موجود فالجسم علشان يحميه؟؟ تبقي
النتيجة ان يروح
يهاجمه؟
للاسف ايوه..وده بنسميه امراض المناعة
الذاتية..ايلي الجسم فعلا بيهاجم خلاياه الطبيعية
من زمان جدا و مفيش سبب محدد يخلي الجسم
يعمل كده...في علماء قالوا تاثير الهرمونات زي هرمون الاستروجين مثلا وممكن عوامل
فالبيئة المحيطة او جينات كمان...ولكن مفيش سبب واضح نتعامل معاه ونعالجه فينتهي
المرض...
يعني مثلا مرض السكر من النوع الاول ايلي فيه خلايا المناعة بتهاجم خلايا البنكرياس وبتالي مش بتقدر انها تنتج انسولين ...وبما انهم مش قادرين يحددوا السبب فالحل انهم يعالجوا باستخدام انسولين خارجي لعلاج الأعراض فقط.
ونفس الفكرة كمان مع مرض تاني زي الروماتويد..بيتم علاج الاعراض فقط
زي التهابات المفاصل باستخدام مسكنات او مضادات الالتهاب..ولكن مفيش علاج محدد
للسبب نفسه..بالاضافة كمان ان الادوية المستخدمة فالعلاج بيكون ليها اثار جانبية
كتير..
لكن طبعا كل ده كان حافز كبير جدا
للعلماء انهم يحاولوا يلاقوا تفسير..ليه المناعة تهاجم الجسم ايلي هي المفروض جزء
منه؟؟؟
وفعلا 2017 هي اللحظة الحاسمة لاكتشاف اهم سبب لأمراض
المناعة الذاتية..وهو ارتشاح الأمعاء...العلماء لاقوا أن من 70-80% من المرضي
عندهم المشكلة دي..
طيب ارتشاح الأمعاء عبارة عن ايه؟؟
ببساطة ان الأمعاء بيكون ليها غلاف بيفصلها بكل محتوياتها عن الدم..و ده عن
طريق خلايا متصلة ببعضها بروابط عشان تمنع خروج كل محتويات الأمعاء من بكتيريا ونواتج
هضم و سموم كمان... وبتالي اي خلل فالغلاف ده حيتسبب فايلي بنسميه ارتشاح
الأمعاء..وأي تشققات او فتحات في غلاف الأمعاء..حتسبب ان كل محتويات الامعاء تهرب
للدم..
طيب ايه ايلي ممكن يحصل لو وصلوا للدم؟؟
والأهم من كده ايلي يخلي غلاف الأمعاء يحصل فيه كل ده؟؟
أهم سبب هو التغذية الغير سليمة
الفكرة هنا هي ان
الاعتماد المستمر فالتغذية علي الدهون وطبعا الدهون الغير صحية زي استخدام المفرط
للزيوت والوجبات السريعة ...وكمان استخدام السكريات بشكل اكتر من و الطبيعي...لأن
مع الوقت حيتسببوا فدمار الغلاف المحيط بالأمعاء..وتكون النتيجة ارتشاح الأمعاء..
طيب هل السبب بس فالتغذية الغير سليمة؟
الحقيقة لا..ممكن
المشكلة تبقي ان المريض يكون غلاف الأمعاء عنده ضعيف نتيجة مشكلة
فالجينات وبتالي تسبب فارتشاح الأمعاء...
ببساطة خلينا نتفق ان في قاعدة بتقول ان خروج اي محتوي من محتويات الجسم من اي غلاف بيحيط بيه للدم...حيبقي بالنسبة للدم جسم غريب...وبتالي حيبتدي يهاجمه لان زي ما قولنا هو بالنسبة له جسم غريب..وبتالي حيكون أجسام مضادة للجسم...ويبتدي الصراع بين الجهاز المناعي و بين خلايا الجسم نفسه
فكرة ارتشاح الأمعاء هي انجاز كبير فمحاولة تفسير امراض المناعة الذاتية...زائد كمان ان دراسات كتير اتعملت وكانت نتيجتها ان اعراض كتير من الامراض المناعة ابتدت تتحسن بنسبة% 80- 70 مع بس معالجة ارتشاح الأمعاء عن طريق استخدام نظام تغذية متوازن
طيب ازاي نقدر نحدد نظام متوازن؟؟؟
من اكتر العوامل ايلي بتساعد فتجنب وعلاج امراض المناعة الذاتية هي اتباع نظام تغذية اسمه الpaleo diet
وايلي بيكون عبارة عن
استخدام الأغذية الغنية بالألياف زي الخضروات كلها من كرنبيت و سبانخ و بروكلي وغيرهم من كل الورقيات
استخدام الأغذية الغنية بالاوميجا3 زي
المأكولات البحرية بما فيها أسماك السالمون و الماكريل والنباتات من بذور الشيا و بذور الكتان
استخدام فيتامين د..لأن دراسات كتير اتعملت واستنتجوا فيها ان نسبة كبيرة من مرضي المناعة الذاتية عندهم نقص في فيتامين د
مع التغذية المتوازنة و تنظيم أوقات النوم و الرياضة حنقدر نتجنب أمراض المناعة الذاتية وكمان مرضي المناعة الذاتية حالتهم الصحية حتتحسن بشكل كبير جداا
بعد معرفتنا بان المناعة قادرة انها تتحول من جيش يحيمي الانسان لجيش ضده..فمحتاجين نسأل نفسنا هل بعتمد علي تغذية سليمة ومتوازنة بشكل كفاية انه يحافظ علي المناعة سواء من الضعف او القوة الزايدة ايلي ممكن توصل لمحاربة الجسم نفسه؟